هذي أول حلى اخترعها على السريع رغم إنها مشابهة قليلا للحلى المعروف
( الآيس كريم بالفواكه والجلي و البسكوت ودريم ويب ) بس لنه ما عندي لا جلي ولا فواكه ولا جتى بسكوت احترت إيش أسوي حلى ... ؟؟؟
طبعا حكاية هذي الحلى حكايته حكاية وفي صينية بايركس صغير وبمكونات بسيطة الكل اضاربوا عليها من صغيرهم لكبيرهم
في إحدى الليالي قال زوجي بأننا معزومين على خرجة في البر مع أهله وأقاربه .. وبما إنه أول خرجة لي مع أقاربه فقلت مو معقول ما أعمل لهم حاجة .... فكان الوقت من جد ضيق وماعندي أي مكونات .... فاحترت وقلت له مو معقوله نروح السوبرماركت ونرجع وأسوي ونحن خارجين على العشا ...؟؟؟ قال طيب خلاص نشتري عصيرات .... قلت مستحيل أروح بعصيرات قلت طيب خلينا ننزل البقالة ونشوف ؟؟ نزلت وحصلت كيك سويسرول بالشوكلاتة وقشطة وكريم فقلت خلاص راح أعمل منه حلى وما كنت أدري إيش راح أسوي أو كيف راح تكون النتيجة ؟؟؟
خفقت الكريمة مع القشطة و رصيت الكيك في الصينية وفوقها الكريمة و حطيتها في الثلاجة طبعا في العصر ... وعلى العشا خرجتها وزينتهها بالفستق و الهيرشي ... كان الشكل تمام .... وخرجنا للخرجة وقبل العشا قلت لهم هذي حلى بسيط ... وكنت خايفة جدا إنه الحلى ما تكون طعمه .... وفجأة أشوف الصينية اتمسحت ويبغو زيادة ... وااااو والبنات بدؤوا يسألوني وش المقادير ... صرت أضحك أقولهم والله طعمه فقالوا لذيذة .. طبعا الحلى أكلوها قبل العشا ... لأنه مثل الآيس كريم ... وهذه صورة من الحلى ^_^
ولكل أكلة من أكلاتي حكاية إما حلوة و إما مرة .... ولكن هذه المرة كانت حلوة ... قد تبدع أحيانا في عمل لم تقم به مسبقا وتأمل من كل قلبك بأن يكون جيداً كفاية وأن يكون لديك ثقة في أن ما تفعله سيكون جيدا فلندع المفاجآت تتقدم ^_^
